ОРТАҚ МӘСЕЛЕЛЕРДІ РЕТТЕУШІ ОРТА
Әлеуметтік әріптестік тараптарының мүдделерін келісу мен әлеуметтік және еңбек қатынастарын реттеу мақсатында құрылып, құзыретіне қарай қызметін атқарып жатқан Жамбыл облысы білім және ғылым саласындағы әлеуметтік әріптестік пен әлеуметтік және еңбек қатынастарын реттеу жөніндегі облыстық салалық комиссияның отырысы өтті.
Облыстық білім басқармасының мәжіліс залында өткен комиссия отырысына басқарма басшысының орынбасары Талғат Жамалов бастаған басқарама бағынысындағы бөлім басшылары, Қазақстандық салалық білім және ғылым қызметкерлері кәсіподағының Жамбыл облыстық ұйымының төрағасы Ерұлан Мағзымбеков бастаған кәсіподақ заңгерлері мен филиал жетекшілері, мамандары қатысты.
Облыстық салалық комиссия мен жұмысшы топ құрамын бекіту, комиссияның жұмыс жоспарын бекіту, үйлестірушіні сайлау сынды ұйымдастыру сұрақтарынан кейін мұның алдында 2018-2020 жылдарға қабылданған әлеуметтік әріптестік туралы Келісім аясында қолға алынып, атқарылып жатқан ортақ жұмыстар жайы сөз болды. Алдымен облыстағы білім мекемелеріндегі еңбек заңдылығының сақталуы, жұмысшылар жалақысының уақытында төленуі, алдағы уақытта өтетін мұғалімдерді аттестаттаудың жаңа ережесі секілді мәселелер талқыланды.
Қорыта айтқанда, басқосуда осы және өзге де мәселелер бойынша орын алып отырған проблемалар ортаға салынып, комиссия талқысына түсті. Сондай-ақ, әлеуметтік әріптестікті алдағы уақытта да жандандыра түсу, сол арқылы ортақ түйіндерді бірлесіп шешу ұсынылды.
Перизат БАҚЫТ
-
Фото
-
