УНИВЕРСИТЕТТЕ «ДОСТЫҚ» КЛУБЫ АШЫЛДЫ
1 мамыр – Қазақстан халықтарының бірлігі күні мерекесі қарсаңында Қорқыт Ата атындағы Қызылорда мемлекеттік университеті Қазақстан Халқы Ассамблеясы кафедрасының ұйымдастыруымен Студенттер Кәсіподақ комитетінің жанынан «Достық клубы» құрылды. Оның құрамында өзге ұлт өкілдері, белсенді студент жастар бар.
Жиын барысында Тәрбие жұмыстары және жастар саясаты басқармасының бастығы Ж.Н.Базартай «Достық» клубын құрудың жастар арасындағы маңыздылығын атап өте келе, Студенттер Кәсіподақ комитетінің төрағасы Ш.Қаратайұлының клуб жетекшісі екендігін жеткізді.
Клуб болашақта өңірдегі жастар ұйымдарымен бірлесе отырып қазақстандық патриотизмді, «Мәңгілік ел» идеясының құндылықтарын насихаттауға атсалысады. Сондай-ақ, мемлекеттік органдар мен жастар арасында ашық пікір алаңын құру арқылы жастар арасындағы өзекті мәселелерді шешуге үлес қосуды жоспарлап отыр.
Қорқыт Ата атындағы ҚМУ
Студенттер Кәсіподақ комитетінің
төрағасы Шәкизат Қаратайұлы
-
Фото
-
