«Ұлы Отан соғысының ардагеріне құрмет!»
4 мамыр күні Yessenov University ұжымы «Жеңіс күні» мерекесі алдында Ұлы Отан соғысының ардагері Асан Аймағамбетовке құрмет көрсету мақсатында құттықтады.
Асан Аймағамбетов, соғысқа 17 жасында 1942 жылы шақырылды. Молдавияны, Польшаны босату үшін шайқасқа қатысып, Берлинге дейін жетті. Әскери операциялар үшін ІІ дәрежелі «Даңқ ордені», І дәрежелі «Отан соғысы», «Берлинді алғаны үшін» медалімен, «1941-1945 жж. Ұлы Отан соғысында Германияны жеңгені үшін» медалімен, Иосифа Сталиннің «Алғыс хатымен» және басқа да көптеген марапаттармен марапатталды.
Ұлы Отан соғысының ардагерін құттықтау барысында университет ректоры Берік Ахметов пен бастауыш кәсіподақ ұйымының төрайымы ардагерге мықты денсаулық тілеп, сыйлықтар табыс етті. Өз кезегінде ардагер ата университет ұжымына өз ризашылығын білдіріп, алғыс тілегін айтып, бата берді.
5 мамыр күні Yessenov University шығармашылық үйірмелерге қатысушы студенттер «Жеңіс күні» және «Отан қорғаушылар күні» мерекелері құрметіне концерт ұйымдастырды.
Шара барысында кәсіподақ ұйымының төрайымы Ж. Абдукаримова университете көп жылдардан бері табысты қызмет етіп келе жатқан ардагерлерді құттықтап сый - сияпат көрсетті.
Ш. Есенов атындағы Каспий мемлекеттік
технологиялар және инжиирнг университетінің
бастауыш кәсіподақ төрайымы Ж. Абдукаримова
-
Фото
-
