Ер есімі – ел есінде
Ұлы Жеңіс күні қарсаңында Х.Досмұхамдов атындағы Атырау мемлекеттік университетінің профессоры, соғыс ардагері Дәржан Баяндиевтың өзі тұрған Атырау қаласының Сәтпаев даңғылындағы 32 үйіне университеттегі кәсіподақ ұйымының бастамасымен ескерткіш тақта орнатылды. Ескерткіш тақтаны ашу құрметіне арналған жиынды университеттің кәсіподақ ұйымының төрағасы Қ.Сүндетұлы кіріспе сөз сөйлеп, ұстаздың өмір жолынан қысқаша баяндама жасады. Бұл меркелік жиында Атырау қаласы ардагерлер кеңесінің төрағасы Ә.Бекешев, профессор, «Құрмет» орденінің иегері Ж.Б.Бақи, университет ардагерлер кеңесінің төрағасы Ш.Н. Нағымов, еңбек ардагері Қ.Жұмағазиев, шәкірті, тарих ғылымдарының докторы А.Қ.Ахмет, қарындасы Б.Баяндиева сөз сөйлеп, майдангер-ұстаз туралы естеліктерден сыр шертті.
Жиын соңында ескерткіш тақтаны ашу құрметі Атырау қаласы ардагерлер кеңесінің төрағасы Ә.Бекешев пен інісі Мақсот Саржанов берілді. Соңынан гүл шоқтары қойылып, ардагерлер фотосуретке түсті.
Орынгүл МАХМУДОВА
-
Фото
-
