Аумақтық ұйымдардың жаңалықтары

Ақтөбе облысы Шалқар ауданының білім беру мекемелерінде Халықаралық әйелдер күніне орай кәсіподақ мүшелерінің арасында «Әйел құқығын шектеуге жол жоқ!» тақырыбында түрлі шаралар өткізілді.

№6 орта мектебінде қазіргі қоғамдағы әйелдердің рөлін таныту мақсатында «Қазіргі замандағы әйелдің рөлі» атты дәрісі өткізілді. Шара барысында өскелең ұрпақтың тәрбиесі, діни сауаттылығы, оларды қайырымдылық пен мейірімділікке, Қазақстанның тарихи-мәдени мұрасын сақтап қалуға баулу мәселелерін қамтитын қазіргі әйелдердің рөлін айшықтау болды. Әйел адам­ның күнделікті өмірдегі аман­дығы бүкіл қоғамға зор жағымды әсер етіп және адам­заттың дамуының көрсеткіші болып табылады. Күні кешеге дейін нәзікжандылардың қатарына саналып келген әйел заты бүгінде қоғамдық мәселелерді шешуге, тіпті елдік, ұлттық саясатқа араласып келеді. Қазір әйелдің рөлі ерекше. Себебі қазіргі заман әйелі отбасы мен қоғам арасына әдемі байланыс орнатып, бәрінен гармониялық үйлесім тапқысы келеді. Біз білетін қазіргі әйел бейнесінің қыры көп. Айталық, әйел – саясаткер, әйел – көлік жүргізуші, әйел – бала тәрбиелеуші, әйел – үй күтуші, әйел – заңгер, әйел – экономист, әйел… Қатысушылар әйелдердің ғылымда, білімде және де басқа салалардағы жетістіктері туралы мағлұматтар алды. Өткізілген дәріс екі бөлімнен тұрады: мемлекетте әйелдер құқығының даму кезеңдері; қазіргі заман әйелдер портреті. Әйелдер құқығының даму кезеңдерін ашуда, бүгінгі күнге дейінгі уақыттағы әйел құқығының жасалуын талқылады. Қазіргі заман әйелдерінің портретін ашуда, қазіргі заман әйелдер қандай болуы керек, қоғамда қандай рөл атқарады, көпшілігі әйел-қызбала, әйел-қыздар, әйел-ана, әйел-басшы екендігін бүгінгі дәрістен мағлұматтар алынды… Іс-шараға «Өткен және қазіргі күндегі әйгілі әйелдер» атты кітап көрмесі мына тараулар бойынша ұйымдастырылды: «Әйелдер – лидерлер», «Әйелдер – саясаткерлер», «Әйелдер өнерде», «Әйелдер – жазушылар». Дәріс слайд көрсетумен аяқталды.

Барша жұртшылыққа әйелдерге қатыстытұрмыстық зорлық-зомбылықтың алдын алу шараларымен таныстыру, ана және бала денсаулығын қорғау, қоғамдағы отбасы рөлін нығайту, құқықтық білімділікті көтеру және азаматтарға заңды кеңес беру мақсатында«Әйелдердің зорлық-зомбылықсыз өмірге құқығы» атты кездесу кеші өтті.Кездесуде баяндама жасаған Шалқар аудандық ішкі істер бөлімінің әйелдерді зорлық-зомбылықтан қорғау инспекторы Сүлейменов Нұржан тұрмыстық жағдайдағы зорлық-зомбылықтар жайлы, оның алдын алу барлығыда заң шеңберінде жүзеге асатындығын айтып өтті. Және зорлық-зомбылықтың 4 бағытын атап өтіп, сондай құқық бұзушылыққа барған жағдайда барлығыда заң алдында жауап беретіндігін, тілге тиек етіп өтті. Акция барысында бұқара жұртшылық пен жастар арасында кездесу, семинар, лекция, дөңгелек үстел, түсіндіру жұмыстары жүргізіліп, бейне роликтер көрсетілді және ақпараттық парақшалар таратылды.

№5 орта мектебінде аталған шарада: Әйелдердің экономикалық тәуелсіздігі; Әйелдердің саяси және мәдени өмірге қатысымы; Әйелдердің зорлық – зомбылықсыз өмірге құқығы; Әйелдердің өз дене күтімін бақылауы тақырыбында баяндамалар, өздерінің жетістіктері туралы айтып өтілді және психологиялық тренингтер жүргізілді.«Әйел құқығын шектеуге жол жоқ!» тақырыбында бейнебаян көрсетіліп, мектебіміздің әйелдер қауымы өздерінің ой пікірлерімен бөлісті. №5 орта мектеп директоры Ә.П.Әбдіғапарова әйелдер қауымын мерекелерімен құттықтап, бейнебаянға өз пікірін білдірді, өткен іс-шарамызға сәттілік тіледі. Бұл іс-шараға мектеп ұжымынан 27 ұстаз қауымы қатысты. Мектептің психологі Кәрібай Г.К.әйелдерге жақсы тілек білдіру, әйел құқығымен әйел тәуелсіздігін сақтау маңыздылығын көрсету мақсатында «Зорлық-зомбылықсыз өмірге құқығы» атты психологиялық тренинг өткізді.

Бозой орта мектебінде кәсіподақ мүшелерінің арасында«Ана- өмір шуағы» тақырыбында ұжым мүшелері арасында өз аулымызда тұратын қазақ халқының мақтанышына айналған аналар, аналардың өмір жолдары, атқарған қызметтері туралы дөңгелек стол өткізілді. Дөңгелек стол барысында өз аулымыздың мақтанышына айналған аналар туралы слайд шоу ұйымдастырылып, көпшілікке таныстырылды. Сол аналарымыздыңөздері, туыстары қонаққа шақырылып, әңгімелерітыңдалды.Сондай-ақ мектебіміздегі көп балалы аналар, балалары үлкен жетістіктерге жетіп жүрген ұстаздар, шәкірттері аудандық, облыстық деңгейде жетістікке жетіп жүрген ұстаздарда шақырылып, түрлі сұрақтарға жауап алынды. «Сұлулық - жарасады қыздарға» тақырыбында медиасабақ ұйымдастырылды. Бұл сабақтың мақсаты қазіргі таңдағы нәзік жандылардың дене күтімі, сымбаты, киім кию стилі т.б. туралы сөз қозғалды.Сабақтың қонақтары ретінде дәрігерлер, әсемдік салонының өкілдері шақырылды. Сабақ барысында бүгінгі таңдағы қыз-келіншектерді толғандырып жүрген сұрақтарға жауап алды.Медиасабақ соңында «Көктем – 2017» сән үлгілері және де мектептегі мұғалімдерге арналған киім үлгілері көрсетіліп, әркім өз пікірін ортаға салды.

№12 балабақшасында «Әйел құқығын шектеуге жол жоқ!» тақырыбында дөңгелек үстел өткізлді. Балабақша психологі Байсейтова Сәния Жалғасбайқызы «Әйелдердің саяси және мәдени өмірге қатысымы» тақырыбында баяндама оқыды. Аталған шара соңы пікірталас пен тренингке жалғасты.

«Әйел құқығын шектеуге жол жоқ!» атты іс-шарада халқымыздың әйел баласын ерекше құрметтегенін, қоғамда айрықша орын алатынын көрсете білдік. Осы тұста қоғамда Елбасымыз Н.Ә. Назарбаев гендерлік саясатты қолдау барысында әр саладағы әйелдер қауымына үлкен қолдау көрсетуде. Мұның өзі еліміздің дамуына, көркейуіне деген нық сенімді білдіреді.

«Қазақстандық салалық білім жәнеғылым қызметкерлері кәсіптік одағыныңАқтөбе облыстық ұйымы»қоғамдық бірлестігінің филиалы –Шалқар аудандық кәсіподақ ұйымыныңтөрайымы Г.Махат