АРУЛАР - АСЫЛ ЖАНДАР!
Халықаралық әйелдер күні мерекесіне орай Орал қаласында ҚазИИТУ ғылыми-білім кешенінде мерекелік шара өтті.
Шараның ашылуында «ҚазИИТУ» ғылыми-білім кешенінің құрылтайшысы, профессор, «100 жаңа есім» жобасының иегері, Орал қаласының Құрметті азаматы Ақсерік Әйтімов сөз сөйлеп, аруларды мерекелерімен құттықтады. Білім беру саласына елеулі үлес қосып жүрген оқу ордасының оқытушылары мен қызметкерлерін Алғыс хатпен марапаттады.
Құқықтану кафедрасының аға оқытушысы, университеттің кәсіподақ ұйымының төрағасы, профессор Талғат Рахметов те нәзік жандыларды мерекемен құттықтап, әріптесі Эльмира Тұрғалиеваға ҚР оқу-ағарту, ғылым және жоғарғы білім қызметкерлерінің салалық кәсіподағының Құрмет грамотасын табыстады.
Мерекелік шара нәзік жанды қызметкерлердің барлығына кәсіподақтың сый-сияпаттары үлестіріліп, студенттердің өнерлерін тамашалаумен жалғасты.
