КӘСІПОДАҚ МҮШЕЛЕРІ АРАСЫНДАҒЫ V- «ДЕНСАУЛЫҚ – 2023» СПАРТАКИАДАСЫ
БҚО білім саласының Орал қалалық кәсіподақ комитеті – Филиалының ұйымдастыруымен Орал қалалық білім беру ұйымдарының кәсіподақ мүшелері арасында V- ші «Денсаулық – 2023» спартакиадасы өткізілді.
Шараның мақсаты кәсіподақ ұйымдарының жұмысын жетілдіру және бірлігін нығайту, білім және ғылым қызметкерлері арасында салауатты өмір салтын насихаттау.
Спартакиаданы Батыс Қазақстан облыстық білім және ғылым қызметкерлерінің кәсіподақ төрағасы Марат Даупаев ашып, жарысқа қатысушы спортшыларға сәттілік тілеп, арнайы шақырылған әлеуметтік әріптестерге алғысын білдірді.
Келесі сөз кезегін алған Орал қалалық білім беру бөлімінің басшысы Ақжарқын Темирханова, Орал қаласының дене шынықтыру және спорт бөлімінің басшысы Армат Исановжарысқа қатысушы құрама командаларға сәттілік тілеп, кәсіподақ тек қана еңбеккерлердің әлеуметтік – экономикалық және еңбек құқықтарын қорғаумен ғана шектелмей, өзара салауатты өмір салтын насихаттауға да қолдау көрсетіп, спартакиаданың осымен бесінші жыл қатарынан ұйымдастырылып отырғаны туралыөз ойларымен бөлісті. Ал, Ауған соғысының ардагерлері атынан сөз кезегін алған қалалық білім бөлімінің оқу өндіріс комбинатының басшысы Мұхтар Есболатов жүрекжарды тілегін арнап, қатысушыларға сәттілік тіледі.
Спартакиадаға барлығы 34 құрама команда қатысты. Ептілікті сынға салған сәтте бірі жеңіп жатса, екіншісі жеңіліп жатады. Осы орайда жиналған спортшылар өздерінің үлкен дайындықпен келгендерін байқатты.
Білікті төрешілердің саралауы бойынша спортшылар арасынан үздік ойыншылар анықталып, арнайы сыйлықтармен және дипломдармен марапатталды.
Екі күнге созылған жарыста командалық жалпы есеппен жеңіске жеткен құрама командалар:
1 орын: №21мектеп және А. Байтұрсынов атындағы №10 мектеп;
2 орын: №22мектеп және Д.Қонаев атындағы №44 мектеп – гимназиясы;
3 орын: А.Тайманов атындағы №34 мектеп – гимназиясы және №48мектеп.
Орал қалалық кәсіподақ комитеті – Филиалының төрағасы Төлеген Темешев – Еліміздің тұрақтылығы мен жарқын болашағы үшін жас ұрпаққа сапалы білім беруде олардың еліне деген құрметі мен патриоттық сезімін, болашаққа деген нық сенімін қалыптастыруды мақсат ететінін және кәсіподақ күші мен болашағы бірлікте екені туралы жалынды сөздерімен спорттық – бұқаралық шараны қорытындылады.
Жарыстың жеңімпаздарына кәсіподақ тарапынан Дипломдар мен арнайы кубоктар табысталып, бағалы сыйлықтар берілді.
