ҚАУІПСІЗ ЕҢБЕК ЖЫЛЫ
2023 жылдың 14 наурызында Павлодар облысы Луганск орта мектебінің аясында «Еңбекті қорғау саласындағы үздік мамандар» конкурс-викторинасы сәтті өтті, онда Павлодар облысының білім беру ұйымдарының еңбекті қорғау жөніндегі техникалық инспекторлары белсенді қатысушылар атанды.
Іс-шараны пленарлық бөлімін қоғамдық бірлестіктің бас маманы Жаркенова Гүлшат Оралқызы ашты. Викторинаға қатысушыларды құттықтаған Гүлшат Оралқызы қауіпсіз жұмыс жылына арналған облыстық іс-шараларды жүзеге асырудың кешенді жоспарының өзектілігін атап өтті.
Кәсіподақтар Федерациясы Бас Кеңесінің Жарлығымен 2023 жыл «Қауіпсіз жұмыс Жылы» болып жарияланды. Негізгі міндет – қызметкерлер үшін қауіпсіз еңбек жағдайын жасау.
«Қауіпсіз еңбек жылы» ең алдымен, қоғамның барлық мүдделі тараптардың назарын еңбек қауіпсіздігі және еңбекті қорғау мәселелеріне аудару.
Ал бұған қызығушылық танытатындар тараптардың ауқымды болғанымен, кәсіподақтар қауіпсіздік пен еңбекті қорғау талаптарын сақтаудың флагманы болып табылады.
Павлодар облыстық ұйымының ұйымдастыруымен қауіпсіз еңбек жылына арналған іс-шаралар кешені ашылды.
Өмірден қымбат ештеңе жоқ. Адам үшін өмір сүру құқығынан асқан айқын және бұлтартпас ештеңе жоқ. Жер шары халқының басым бөлігі саналы өмірінің үштен бір бөлігін жұмыс орнында өткізіп, қоғамның дамуына үлес қосады.
Техникалық еңбек инспекторлары, шаруашылық бөлім директорының орынбасарлары «Еңбекті қорғаудың үздік мамандары» викторинасы барысында қауіпсіздік және еңбекті қорғаудың түрлі мәселелері бойынша өз білімдерін көрсетті.
Викторинаға қатысушылар үшін блиц-сауалнама, ситуациялық тапсырмалар, тест сұрақтары дайындалды.
Қолданыстағы ұжымдық шарттарда еңбек қауіпсіздігі мен еңбекті қорғаудың көптеген мәселелері бекітілген, қатысушылардың берген жауаптары бойынша олар іс жүзінде орындалып жатыр деп қорытынды жасауға болады.
Байқау қорытындысы бойынша жеңімпаздар анықталды.
Заря орта мектебінің техникалық инспекторы Көппаев Еркебұлан Аманұлы бірінші орын мен Гран-при иегері атанса, бірінші орынды Кеңес орта мектебінің техникалық инспекторы Фазылзянов Мансур Талғатұлы лайықты жеңіп алды. Айтпақшы, Мансұр Талғатұлы өткен жылы «Үздік техникалық инспектор-2022» республикалық байқауының облыстық кезеңінің жеңімпазы атанған болатын.
Екінші және үшінші орындарды Ямышев және Заря мектептерінің техникалық инспекторлары Ключка Сергей Владимирович пен Гулый Олег Михайлович бөлісті.
Қатысқандары үшін алғыс хаттармен техникалық инспекторлары Оразова Жанна Салимовна (Луганск орта мектебі) және Жоламанов Олжас Қайыржанұлы (Ефремовска орта мектебі) марапатталды.
Барлық жеңімпаздар мен жүлдегерлер мақтау қағаздарымен, бағалы сыйлықтармен және ақшалай сыйлықтармен марапатталды.
Байқауға қатысушылардың барлығы еңбек қауіпсіздігі мен еңбекті қорғауға қатысты ситуациялық мәселелерді шешуде шынайы қызығушылық, тамаша білім, сондай-ақ табандылық пен адалдық танытқанын айта кету керек.
Павлодар облыстық ұйымының баспасөз қызметі
-
Фото
-
