КӘСІПОДАҚ СПАРТАКИАДАСЫ
Шығыс Қазақстан облысы Ұлан аудандық білім беру қызметкерлері кәсіподақ ұйымы дәстүрлі спартакиада өткізді, оған ауданның 24 орта мектебі қатысты. Командалар спорттың бес түрінен жарысты: волейбол, тоғызқұмалақ, шахмат, үстел теннисі және ату.
Спартакиаданың мақсаты-кәсіподақ мүшелері мен олардың отбасыларын спортпен тұрақты айналысуына тарту, сондай-ақ Ұлан ауданының білім беру ұйымдары арасындағы достық қарым-қатынасты нығайту.
Финалға өткен командалар волейболдан жарысты жалғастырды. Ойындар керемет болды, жанкүйерлер командалар үшін мүмкіндігінше қолдау көрсетті. Командалық есепте: I орын – «Башиков атындағы негізгі мектеп» КММ, мектеп директоры Б. А.Қасымова; II орын –«Пролетарлық негізгі мектеп» КММ, мектеп директоры Е. Н. Мұхаметуалиев; III орын – «Таенов атындағы негізгі мектеп»КММ, мектеп директоры А. М. Айтқазинов.
Жеке есепте және финалдық ойындарда барлық жеңімпаздар грамоталарымен және бағалы сыйлықтармен марапатталды.
Жеңімпаздарды құттықтаймыз!
-
Фото
-
