ФИЗИКА ПӘНІНІҢ ҮЗДІК МҰҒАЛІМІ АНЫҚТАЛДЫ
Ақтөбеде физика пәнінің үздік мұғалімдері анықталды. Облыстық ғылыми - тәжірибелік орталығының ұйымдастыруымен өткен байқауға салалық білім және ғылым қызметкерлерінің кәсіподақ ұйымы демеушілік жасап, қолдау білдірді.
Байқау мақсаты: мұғалім мамандығының қоғамдағы алатын орнын, кәсіби шеберлігін таныту. Шығармашылықпен жұмыс жасайтын педагогтерді анықтау, қолдау және марапаттау. Өзара бәсекелестікті қалыптастыру.
Конкурсқа аудандық байқаудан жүлделі орындарға ие болған, жалпы орта білім беретін мектептерде жұмыс жасайтын физика пәнінің мұғалімдері қатысты. Сайыс 2 кезеңнен тұрды. Алғашқы турда ұстаздар тест тапсырмаларын орындаса, 2-кезеңде олимпиадалық тапсырмалар бойынша есеп шығарды.
Әділ қазылар алқасының шешімімен
1-орын Темір ауданы, №4 жалпы орта білім беретін мектебінің физика пәні мұғалімі Жанекешов Мейрамбекке берілді.
2-орынға Мұғалжар ауданы, Қандыағаш қаласы №5 орта мектебінің физика пәні мұғалімі Актаева Гүлназ бен Ойыл ауданы, Ш.Бекмұхамбетова атындағы мектеп-гимназиясының мұғалімі Сайлау Айжанға бұйырды.
3 - орын Алға ауданы, Маржанбұлақ орта мектебінің физика пәні мұғалімі Оразбаева Гүлмира, Мәртөк ауданы, №2 Мәртөк МГ физика пәні мұғалімі Хасен Мұхит, Алға ауданы, №4 Алға орта мектебінің физика пәні мұғалімі Қармашева Жанар иеленді.
Жеңімпаздар мен барлық қатысушыларға кәсіподақ тарапынан қаржылай қолдау көрсетілді.
-
Фото
-
