МҰҒАЛІМДЕР АРАСЫНДАҒЫ ЭСТАФЕТАЛЫҚ ЖАРЫС
Нұра ауданының білім беру бөлімі мен мұғалімдер кәсіподағының бірлесе ұйымдастыруымен Жеңіс күніне және Республика Қарулы Күштерінің 31 жылдығына орай мұғалімдер мен оқушылар арасында жеңіл атлетикадан аудандық дәстүрлі эстафета өткізілді.
Жарыс мұғалімдер мен оқушылар арасында денсаулықтарының шымыр да мықты болуына ықпал ету және салауатты өмір салтына, спортқа деген қызығушылығын арттыру мақсатында өтті.
Мерекенің шымылдығын Нұра ауданының білім беру бөлімінің басшысы Арарат Есмағамбетов ашты.
Шара барысында бір топ мұғалім көп жылғы еңбегі және білім беру жүйесін дамыту мен өскелең ұрпақты тәрбиелеуге қосқан үлесі мен жеткен жетістіктері үшін Нұра ауданының білім бөлімінің Құрмет грамотасымен марапатталды.
10 кезеңді қамтыған эстафетаға ауданның 18 мектебі қатысып, жүйрік деп танылғандар жұлделі орындарды иеленді:
I орын - Ы.Алтынсарин атындағы ЖББ мектебінің ұжымы;
II орын – К.Мыңбаев ЖББ мектебінің ұжымы;
III орын – А. Бөкейханов атындағы ЖББ мектебінің ұжымы;
IV орын - Қараой ЖББ мектебінің ұжымы;
V орын - К.Шайменов атындағы ЖББ мектебінің ұжымы.
Барлық жеңімпаздар мен жұлдегерлер Нұра ауданының кәсіподақ ұйымының кубогымен, грамоталарымен, медальдарымен және ақшалай сыйлықтармен марапатталды.
Нұра аудандық кәсіподақ ұйымы
-
Фото
-
