СПАРТАКИАДА ЖЕҢІМПАЗДАРЫ ШИПАЖАЙДА ДЕМАЛДЫ
Батыс Қазақстан облыстық оқу – ағарту, ғылым және жоғары білім қызметкерлері кәсіподағының кәсіподақ мүшелері арасында өткізілген «Денсаулық - 2023» спартакиадасының «Бас жүлде» жеңімпазы - №21 қалалық мектебі құрама командасы «Ақжайық» шипажайында демалды.
Демалыс барысында ауруға ем, сауға қуат беретін емдік-сауықтыру шаралары: ас қорыту, қан айналымы ағзаларын, эндокриндік жүйе, аяқ, қол, буын, жүйке жүйесі ауруларына ем қабылдады. Сонымен қатар, демалушылар үстел теннисі ойындары, спорттық тренажерларда жаттығулар жасап, шипажай аумағында таза ауада серуендеді.
Кәсіподақ мүшелері жыл сайын білім қызметкерлері арасында спартакиада ұйымдастырып командалармен «Ақжайық», «Сарығаш» шипажайларында демалуға мүмкіндік бергені үшін облыстық кәсіподақ ұйымына алғыстарын білдірді.
-
Фото
-
