ДИМАШТЫҢ ҰСТАЗЫ
Талантты әнші, ұлағатты ұстаз, Ахмет Жұбанов атындағы Ақтөбе музыкалық колледжінің оқытушысы Әйтімов Марат Олжабайұлы егемен еліміздің мәдениеті мен өнерінің қарыштап дамуына өлшеусіз үлес қосып келе жатқан кәсіби маман. Өскелең ұрпақты өнерге баулып, үлкен сахнаға жолдама ұстатқан дарынды ұстаз. Қызылорда өңірінің тумасы 1992 жылдары педагогикалық институт ректоры Мұхтар Арынның шақыртуымен Ақтөбеге келген болатын. 1993 жыл Ақтөбе музыкалық училищесінде ұстаздық жолын бастап, 30 жылдан бері жас таланттардың шыңдалуына аянбай еңбек етіп келеді.
Марат Әйтімов — Күләш Байсейітова атындағы Республикалық вокалистер конкурсының, «Азия дауысы» халықаралық фестивалінің аясында өткен «Қазақстан әндері» конкурсының дипломанты, Шәмші Қалдаяқов атындағы халықаралық фестивалінің бас жүлде иегері.
“Ұстазы мықтының ұстамы мықты” демекші, ол Қазақстанның атын алты әлемге паш еткен Димаш Құдайбергенов, ҚР Еңбек сіңірген қайраткері Светлана Айтбаева, “Дарын” жастар сыйлығының дауреаты Нұртас Омаров, танымал эстрада жұлдыздары Ерке Есмахан, Нұрболат Абдуллин, Еркебұлан Құмаров тағы да басқа өнер иелерінің ұстазы. Димашқа төрт жыл бойына жеке сабақ берген ұстазы оның бүгінгі жетістігі тынымсыз еңбегінің жемісі деп баға береді.
Осындай жемісті жұмысының нәтижесінде ҚР Еңбек сіңірген қайраткері атанып, “Ы. Алтынсарин”, “Ерен еңбегі үшін” төсбелгісімен наградталды.
-
Фото
-
