Аумақтық ұйымдардың жаңалықтары

Жаңаөзен қалалық білім бөлімінің ұйымдастыруымен Қазақстандық оқу-ағарту, ғылым және жоғары білім қызметкерлері салалық кәсіптік одағының Маңғыстау облыстық ұйымы қоғамдық бірлестігінің Жаңаөзен қалалық филиалының қолдауымен жас педагогтарды қолдау және шығармашылығын шыңдау, сондай-ақ, білім саласындағы талантты да, талапты жастарды және кәсіби мамандарды бір арнаға тоғыстыру мақсатында І қалалық жас педагогтар форумы өткізілді.

Форумға Жаңаөзен қаласы әкімінің орынбасары Жаңабай Үсенбайұлы, бөлім басшысы Өсербай Рсбайұлы, мектеп басшылары және жалпы білім беру ұйымдарынан 130 жас маман қатысты.

І БӨЛІМ ФОРУМНЫҢ АШЫЛУ САЛТАНАТЫ

Форумның ашылу салтанатында қатысушыларға педагог-психологтар тарапынын қызықты тренингтер, әртүрлі топтық ойындар ұйымдастырылды.

ІІ БӨЛІМ “ҮЗДІКТЕН ҮЗДІК ТӘЖІРИБЕ”

Бұл бөлімде үздік, шығармашыл, жетістікке жетіп жүрген педагогтер өз іс-тәжірибелерімен бөлісіп, жас мамандарға әртүрлі тақырыпта қолдау көрсетті.

ІІІ БӨЛІМ ACTIVE SPORT

Форум барысында мобилография саласы, резин арт және гипс технологиясы, бояулар құпиясы, домбыра, шахмат сияқты еркін форматта шеберлік сыныптары өткізілді.

Форумның жабылуы OPEN AIR яғни ашық алаң астындағы концерттік бағдарламамен жалғасын тапты. Жас мамандар көңілді әуендерге би билеп, ән шырқап, қызықты ойындар ойнады.

Форум барысында белсенді болған үздік топтар анықталып, сыйлықтар табысталды.

Р.Мухашева,

Маңғыстау облыстық ұйымының Жаңаөзен қалалық филиалының төрағасы