ҰСТАЗДАР ЕҢБЕГІ ЕЛЕНДІ
Бүгінгі таңда болашаққа жол сілтейтін мұғалім жан-жақты білімді, ізденімпаз, қазіргі кездегі заманауи әдіс-тәсілдерді, ақпараттық-коммуникативтік технологияларды жан-жақты меңгерген маман болуы тиіс. Аймақтың білім беру жүйесінде дәл осындай талапқа сай келетін ұстаздардың күннен-күнге саны артып келеді. Солардың қатарында Махамбет ауданы Есбол орта мектебінің педагогтарының YouTube, Facebook, Instagram әлеуметтік желілердегі белсенділіктері жоғары. Олардың шығармашылық еңбектерінде жаңа леп, жаңа үрдістер басым. Мысалы, «Үлгі тұтар ардақтыларымыз», «Ұстаз – ұлы тұлға» атты айдарларында осы мектепте абыройлы еңбек етіп, есімдері мыңдаған шәкірттердің жүрегінде сақталып қалған ұстаздардың өмірі мен қызметі туралы тарихи материалдар берілді. Жабу Дөкесов, Мырзахмет Қостаев, Сембі Берғалиев, Хамила Айжарықова, Зәру Әтенова, Ақсұлу Хайрошева, Бақтығали Алдешов, Дамира Есенғалиева, Биби Орынбасарова және т.б. туралы жарияланған хабарларға қаншама оқырмандар жүрек жарды пікірлерін білдірді.
Осы мектепте биылғы 9 наурызда өткен «Атырау облысы білім және ғылым қызметкерлері кәсіптік одағының Махамбет аудандық комитеті» Филиалының төрағасы қызметін атқарған, марқұм Индера Алмурзинаны еске түсіруге арналған облыстық «Қалдырған ізің мәңгілік» атты жиында мазмұнды көрінді.
23 мамыр күні «Атырау облысы білім және ғылым қызметкерлерінің кәсіптік одағы» қоғамдық бірлестігінің төрағасы Қылышбай Сүндетұлы білім мен тәрбие беру саласын дамытуға қосқан елеулі үлесі және кәсіподақ ұйымының жұмысына белсене араласып жүрген бір топ ұстаздарды ұйымның Алғыс хатымен марапаттап, гүл шоқтарын табыс етті.
«Атырау облысы білім және ғылым қызметкерлерінің кәсіптік одағы» ҚБ
-
Фото
-
