«КӨШБАСШЫ МЕКТЕБІ»
2023 жылғы 8-10 маусымда Баянауыл курорттық аймағында кадрлық резервті қалыптастыру және жас мұғалімдердің шығармашылық белсенділігін, көшбасшылық қасиеттерін дамыту аясында Павлодар қалалық білім беру қызметкерлерінің кәсіподақ ұйымы, білім бөлімі және Павлодар қаласының жас педагогтар кеңесі «Көшбасшы мектебі» атты пленер өткізді. Тренинг бағдарламасы көшбасшылық қасиеттерді ынталандыруға, анықтауға және дамытуға, сондай-ақ командада жұмыс істей білуге, коммуникативті және ұйымдастырушылық қасиеттерге байланысты қарым-қатынас орнатуға бағытталған. Бағдарламада «Команда, Көшбасшы» тренингін өткізген психолог нұсқаушылармен кездесу болды. Нәтижесі шешендік өнерден шеберлік сабағы болды, БАҚ және әлеуметтік желімен жұмыс істеуді, бүкіл әлемде өзекті американдық бағдарлама бойынша пікірталастарды қалай өткізуді үйренді. Тимбилдинг сонымен бірге стихиялық команда құру және ортақ мақсатқа жету үшін осы күнге дейін бейтаныс адамдарды жақсы үйлестірілген ағзаға біріктіру миссиясын орындады. Таңертеңгілік дене шынықтыру жаттығуларының элементтерін де қамтыды, өйткені спорттық жаттығуларға дене мүшелерін ғана емес, адамның ақыл-ойын да белсендіретін «Нейро-жаттығу» әдістері қосылды. Көркем Баянауыл жеріне саяхат ешкімді бей-жай қалдырмай, екінші «Швейцария» деп орынды атаған бұл өңірдің сұлулығын тағы бір паш етті. Қатысушылар шығармашылық кеште және пленэр күндері түсірген тик-ток бейнебаяндарында өздерінің бар қабілеттерін, таланттары мен мүмкіндіктерін көрсетті. «Мерекелік кеште» жас ұстаздар тренинг күндерінде алған эмоцияларын көрсететін шығармашылық нөмірлерін көрсетті. Қалалық кәсіподақ төрайымы – Сеитова Сабира Шакенқызы қатысушыларға сертификаттар табыс етті. Жастар қанатының төрағасы Умаров Олжас пленэрге белсенді қатысқандарға «Көшбасшы» жейделерін табыстады. Қорытынды аккорд қалалық кәсіподақ жастар қанатының төл белгісіне айналған жас ұстаздардың әнұранын орындау болды. «Көшбасшы мектебі» жаңа технологиялар мен инновацияларды оқыту миссиясын орындап қана қоймай, болашақта білім беру жүйесі мен кәсіподақ қозғалысының дамуына үлес қосатын әлеуетті, болашағы зор ұстаздарды анықтады.
Павлодар қалалық білім беру қызметкерлеріткәсіподақ ұйымының баспасөз қызметі
