АРНАУЛЫ МЕКТЕПТІҢ ҮЗДІК ПЕДАГОГЫ АНЫҚТАЛДЫ
Батыс Қазақстан облыстық оқу – ағарту, ғылым және жоғары білім қызметкерлері кәсіптік одағының «Облыстық көру қабілеті бұзылған балаларға арналған арнаулы мектеп – интернаты» бастауыш кәсіподақ ұйымында жыл сайын ұйымдастырылатын «Арнаулы мектептің – үздік педагогы» атты байқауы өткізілді.
Байқаудың мақсаты: шығармашылықпен жұмыс істейтін ой өрісі кең, парасатты өзінің авторлық жаңашыл идеясы бар, ғылыми – әдістемелік шеберлігі жоғары, жан-жақты дамыған мұғалім мәртебесін көтеретін ерекше тұлғаны анықтау. Мұғалімдерді өз кәсіби құзырлылықтарын жетілдіруге ынталандыру. Озық педагогикалық іс-тәжірибелерді насихаттау, тарату.
Байқауға облыстық кәсіподақ ұйымының атынан Орал қалалық комитет – Филиалының төрағасы Төлеген Темешев қатысты. Байқау 4 кезеңнен тұрды. Байқауға 5 мұғалім қатысып бақтарын сынады. Ағылшын тілі пәні мұғалімі Жанар Кажимова Бас жүлде иегері атанып, облыстық кәсіподақ ұйымының атынан «Ақжайық» емдеу – сауықтыру орталығына тегін жолдамаға ие болды. Қалған қатысушылар «Жаңашыл – мұғалім», «Зерттеуші – мұғалім», «Шығармашыл – мұғалім», «Шебер – мұғалім» номинациялары бойынша алғыс хатпен марапатталды.
БҚО кәсіподақ ұйымының баспасөз қызметі
-
Фото
-
