ТІКЕЛЕЙ ҚЫЗМЕТ КӨРСЕТЕТІН БАСТАУЫШ КӘСІПОДАҚ ҰЙЫМДАРЫНА АРНАЛҒАН СПАРТАКИАДА
Өскемен қаласы бойынша ББ «М.Әуезов атындағы №17 орта мектебі» КММ базасында тікелей қызмет көрсететін бастауыш кәсіподақ ұйымдары арасында Қауіпсіз еңбек жылына арналған Х облыстық спартакиада өтті. Спартакиада бағдарламасына спорттың үш түрі – волейбол, тоғызқұмалақ және шахмат бойынша жарыстар кірді.
Жарысқа 6 команда қатысты: ШҚО ББ «Абай атындағы Шығыс Қазақстан гуманитарлық колледж» КМҚК, ШҚО ББ «Халық әртістері ағайынды Абдуллиндер атындағы өнер училищесі» КМҚК,
ШҚО ББ «Өскемен жоғары политехникалық колледж» КМҚК, ШҚО ББ «Шығыс Қазақстан ауылшаруашылық колледжі» КМҚК, ШҚО ББ «Серебрянск технология колледжі» КММ- ШҚО ББ «Серебрянск технология колледжі» КММ- ШҚО ББ «Ерекше білім беру қажеттілігі бар балаларды қолдау орталығы» КММ құрама командасы, «Өрлеу» біліктілікті арттыру ұлттық орталығы»АҚ филиалы ШҚО бойынша кəсіби даму институты.
Спартакиада қорытындысы бойынша бірінші жалпы командалық орынды Абай атындағы Шығыс Қазақстан гуманитарлық колледжінің командасы, екінші орынды Шығыс Қазақстан ауыл шаруашылығы колледжі, үшінші орынды Серебрянск қаласының құрама командасы иеленді. Жеке есепте жеңімпаз командалар мен жүлдегерлер кубоктармен, медальдармен, грамоталармен және ақшалай сыйлықтармен марапатталды. «Үздік шабуылшы» және «Үздік байланыстырушы» номинацияларындағы ойыншылар бөлек белгіленді. Барлық қатысушы командалар дипломдар мен ақшалай сыйлықтарға ие болды.
Спартакиаданы өткізуге көрсеткен көмегі үшін ШҚО білім және ғылым қызметкерлерінің жергілікті кәсіподағы М.Әуезов атындағы №17 мектепке, волейбол, тоғызқұмалақ және шахмат төрешілеріне, медицина қызметкеріне алғыс хаттар табыс етті.
Спартакиада бұл спорт мерекесі және білім беру ұйымдары мұғалімдерінің арасындағы достық пен ынтымақтастықты көрсетті.
Барлық қатысушыларға үлкен рахмет! Жеңімпаз командаларды құттықтаймыз!
-
Фото
-
