ЗЕЙНЕТКЕ ҮЛКЕН ҚҰРМЕТПЕН
Ақтөбе құрылыс техникалық колледжінде директордың оқу ісі жөніндегі орынбасары Елена Ғазизуллинаны зейнеткерлік демалысқа шығарып салуға арналған салтанатты рәсім өтті. Іс-шараға колледж басшылары, ұстаздар мен шәкірттері қатысты.
Салтанатты жиын барысында колледж директоры Гүлден Есенғалиева мен Ақтөбе білім басқармасы ТжКББ бөлім басшысы Венера Шавкилова Е.Ғазизулиннаның өмір жолына тоқталып, білім, ғылым саласындағы еңбектері жайлы баяндап берді.
Басқосуда "Қазақстандық салалық білім және ғылым қызметкерлері кәсіптік одағының Ақтөбе облыстық ұйымы" қоғамдық бірлестігінің төрағасы Раушан Серікова Е.Ғазизулиннаны арнайы құттықтап, Алғыс хат пен шипажай сертификатын табыстады.
Жиында әріптестері өздеріне жұмыс бабында жанашыр ақылшы, тағылымды тәлімгер бола білген Елена Николаевна туралы тебірене сөз сөйлеп, игі тілектерін білдірді.
-
Фото
-
