ҮЗДІКТЕР ҰЛЫҚТАЛДЫ
Дәстүр бойынша жаңа оқу жылының қарсаңында тамыз айында мұғалімдер кеңесі өтіп, онда мұғалімдер өткен оқу жылының қорытындысын шығарып, жаңа перспективаға міндеттер қойып, үздіктерді атап өтеді.
Үздіктердің үздіктерін, өз ұжымдарының қоғамдық өміріне белсене араласатындарды, көп жылдар бойына адамдарды біріктіретін, кәсіподақ белсенділерін, кәсіподақ қозғалысы ардагерлерін, облыстық білім және ғылым қызметкерлері кәсіподақ ұйымы, ұстаздар жиналысына қатысып, кәсіподақ белсенділеріне сіңірген еңбектері үшін марапаттарын табыс етті.
Облыс аудандардындағы мұғалімдерінің тамыз кеңестеріне қатысып, облыстық кәсіподақ комитетінің төрағасы Аюпов Б.Е., обкомның бас маманы Базарбаев Ж.Ж. жиналған аудан мұғалімдерін жаңа оқу жылының басталуымен құттықтады. Үздік кәсіподақ белсенділеріне марапаттарды тапсыра отырып, олар саладағы кәсіподақ қозғалысының дамуына қосқан елеулі үлестерін атап өтті, жұмыс барысында туындайтын көптеген проблемалық жағдайларды шешуде кәсіподақтың рөлі зор екеніне де тоқтады.
Солтүстік Қазақстан облысының барша педагогикалық қауымын жаңа оқу жылының басталуымен құттықтаймыз!
Барлық мақсаттарыңыз орындалсын!
Кәсіподақ әрқашан өз мүшелерінің құқықтары мен заңды мүдделерін қорғауда.
