КОЛЛЕДЖГЕ - 100 ЖЫЛ
2023 жылғы 28 қыркүйекте «Абай атындағы Шығыс Қазақстан гуманитарлық колледжі» КМҚК 100 жылдық мерейтойы аясында колледж студенттері арасында Қанипа Бітібаева атындағы республикалық олимпиаданың және колледж педагогтары арасында Асқар Ислямов атындағы «Үздік педагогикалық эссе» байқауының ашылуы өтті.
Салтанатты шараға ШҚО білім және ғылым қызметкерлерінің жергілікті кәсіподағының өкілдері қатысты. Колледждің бастауыш кәсіподақ ұйымы көп жылдар бойы ШҚО жергілікті кәсіподағының тікелей қызмет көрсету бастауыш кәсіподақ ұйымдарының бірі. Барлық жұмысшылар кәсіподақ мүшелері болып табылатын ұжым ұйымшылдықпен, тұрақтылықпен ерекшеленеді және бұл үшін басшылық пен кәсіподақ комитетінің зор еңбегі бар. Колледждің мерейтойына орай жемісті ынтымақтастығы, әлеуметтік әріптестік шеңберіндегі белсенді өзара іс-қимылы үшін колледж директоры Фархад Құрманов «Әлеуметтік әріптестікті дамытуға қосқан үлесі үшін» төсбелгісімен марапатталды. Колледж қызметкерлері республикалық және облыстық салалық кәсіподақтың Құрмет грамоталарымен және Алғыс хаттарымен марапатталып, ал бастауыш кәсіподақ ұйымына 500 000 теңге сертификат табыс етілді.
Студенттерді қолдау мақсатында ШҚО білім және ғылым қызметкерлерінің жергілікті кәсіподағынан Студенттік кәсіподақ ұйымының 3 мүшесі үшін
25 000 теңге көлемінде әлеуметтік шәкіртақы сертификаттары табыс етілді. Студенттік кәсіподақ комитетінің отырысында таңдалған студенттер бұл стипендияны колледжді бітіргенге дейін ай сайын алады.
Жергілікті кәсіподақ төрағасы Назгүл Қасенованың және облыстың кәсіподақтың барлық мүшелерінің атынан оқу орнына табыс, кәсіби жетістіктер мен жарқын жеңістер тілейміз!
