ЖАҢА СПОРТ АЛАҢЫ ІСКЕ ҚОСЫЛДЫ
20 қазан күні Республика күніне орай, Атырау көлік және коммуникация колледжінде жаңа спорт алаңы пайдалануға берілді. Аталмыш құрылыс колледжінің әлеуметтік серіктесі «Былина» орыс этно-мәдени орталығының жетекшісі, «Колизей» ЖШС-нің Бас директоры Андрей Александрович Кораблевтың демеушілігімен жүзеге асты.
Кәсіпкер А.А. Кораблев 2018 жылдан осы колледж үшін адами капиталға қаржылай көмек құйған, «жас маман» жобасы бойынша теориялық кабинет жабдықтаған, кәсіби шеберлер дайындауда дуалды оқыту жүйесі бойынша өз кәсіпорын-шеберханаларын студенттерге берген басшы.
Спорттық алаңның салтанатты ашылу шарасында Атырау облыстық ардагерлер кеңесінің төрағасы Мұрат Өтешев, облыстық білім басқармасы басшысының орынбасары Орынтай Биманова, облыстық білім және ғылым қызметкерлері кәсіптік одағының төрағасы Қылышбай Сүндетұлы және т.б. сөз сөйлеп, колледжі ұжымы мен білім алушыларын қызу құттықтады. Студенттерге жазғы спорт алаңын сыйға тартқан «Атыраудың атымтай жомарты» атанған жылы жүректі азамат Андрей Кораблевке Алғыс хаттарын табыс етті.
Салтанатты шарадан соң «Колизей кубогы» үшін облыстық студенттер арасындағы кіші аяқ доп жарысы басталып кетті.
«Атырау облысы білім және ғылым қызметкерлерінің кәсіптік одағы» ҚБ
