Аумақтық ұйымдардың жаңалықтары

Ағымдағы жылдың 24 қазан күні М.Өтемісов атындағы Батыс Қазақстан университетінде ұлттық мереке – Республика күніне арналған салтанатты жиын өтті.

​Мерекелік жиынға университет ректоры Нұрлан Серғалиев, кәсіподақ ұйымының төрағасы Салауат Кажиахметов, зиялы қауым өкілдері, оқу ордасының оқытушы – ғалымдары мен білім алушы студенттер қатысты.

Жиынды білім ордасының ректоры ашып, университет ұжымын айтулы меркемен құттықтады.

Салтанатты жиында Қазақстан Республикасының Президенті, Қазақстан халқы Ассамблеясының төрағасы Қасым-Жомарт Кемелұлы Тоқаевтың Қазақстан халқының бірлігін, қоғамдық келісім мен қазақстандық патриотизмді нығайтуға қосқан лайықты үлесі үшін Қазақстан халқы ассамблеясының «Құрмет грамотасымен» әлеуметтік ғылымдар білім беру бағдарламаларының аға оқытушысы - Турар Шайхиев, Қазақстан Республикасының Ғылым және жоғары білім министрінің атынан «Ғылымды дамытуға сіңірген еңбегі үшін» төсбелгісімен тарих, экономка және құқық факультетінің деканы, экономика ғылымдарының кандидаты – Галина Нестеренко, Қазақстандық оқу-ағарту, ғылым және жоғары білім қызметкерлерінің салалық кәсіподағының «Кәсіподақ ардагері» төсбелгісімен Махамбет Өтемісов атындағы Батыс Қазақстан университеті ардагерлер кеңесінің төрағасы Мергали Хусаинов, Қазақстандық оқу-ағарту, ғылым және жоғары білім қызметкерлерінің салалық кәсіподағының «Сала қызметкерлерінің кәсіподағына сіңірген айрықша еңбегі үшін» төсбелгісімен педагогика ғылымдарының кандидаты, Махамбет Өтемісов атындағы Батыс Қазақстан университеті тіл мен әдебиет мұғалімдерін дайындау білім беру бағдарламасының доценті, педагогика ғылымдарының кандидаты Туймеш Даришева, Қазақстандық Кітапханалық Одағынан «Қазақстанның құрметті кітапханашысы» төсбелгісімен әдебиеттерді жинақтау және өңдеу бөлімінің меңгерушісі – Гулзада Днекешева, ғылыми кітапхана кітапханашысы– Гулпрайза Мынжасарова марапатталды.

Сондай-ақ, Қазақстан Республикасы Ғылым және жоғары білім министрлігінің Алғыс хаты мен кәсіподақ мүшелеріне Батыс Қазақстан облыстық оқу-ағарту, ғылым және жоғары білім қызметкерлері кәсіптік одағының Құрмет грамотасы бір топ оқытушылар мен қызметкерлер қауымына табысталды.

Салтанатты жиын мерекелік концертпен жалғасты.