ЫРҒЫЗ АУДАНЫ: ӨНЕР ОРДАСЫНА - ЕЛУ ЖЫЛ
Ақтөбенің Ырғыз ауданындағы Ырғыз балалар өнер мектебінің құрылғанына елу жыл толуына орай “Өнердің алтын ордасы” тақырыбында мерекелік шара өтті. “Арай” мәдениет үйінде өткен тағылымды шараға аудан басшылары, ардагер ұстаздар, мұғалімдер, мектеп түлектері мен аудандардың қосымша білім беру ұйымдарының басшылары қатысты.
Салтанатты шарада аудандық білім бөлімі басшысы Айбек Алданов, аудан әкімінің орынбасары Азамат Махаев, аудандық білім қызметкерлері кәсіподағы ұйымының төрағасы Қасымхан Әбенов құттықтау сөз сөйлеп, оқу-ағарту министрінің, облыстық білім басқармасының, республикалық әдістемелік орталықтың, аудан әкімінің, аудандық білім бөлімі мен кәсіподақ ұйымының Алғыс хаттарын табыстады. Сондай-ақ, аудандық кәсіподақ ұйымының тарапынан білім саласына елеулі үлес қосқан үздік ұстаздарға жазғы каникул кезінде жүз пайыздық жеңілдікпен емделіп-демалуға шипажайларға сертификаттар берілді.
Мерекелік шара аудан өнерпаздарының дайындаған мерекелік концерттік бағдарламасына ұласты.
Мерейтойға келген қонақтар мен аудан тұрғындары Алаш жұртына ортақ тұлға, мемлекет және қоғам қайраткері Темірбек Жүргеновтің ескерткіш-бюстіне гүл шоқтарын қойып, рухына тағзым етті.
-
Фото
-
