Шымкент қаласы білім басқармасы басшысымен жұмыс кездесуі
Бүгін әлеуметтік әріптестік аясында Шымкент қалалық Қазақстандық салалық білім және ғылым қызметкерлері кәсіподағы ұйымы аппаратының мүшелері Шымкент қаласы Білім басқармасының басшысы Ысқақов Қуаныш Ғалымжанұлымен конструктивті жұмыс кездесуін өткізді.
Кездесуде қаланың білім беру жүйесіндегі ең өзекті мәселелер жан-жақты талқыланды:
— педагогтардың еңбек жағдайлары;
— қызметкерлердің еңбек құқықтарының сақталуы;
— кадр саясаты мәселелері;
— педагогтардың кәсіби біліктілігін арттыру;
— білім беру үдерістерін цифрландыру және жаңғырту.
Тараптар жинақталған мәселелерді тиімді шешу үшін кәсіподақ пен мемлекеттік органдар арасындағы тұрақты диалогтың маңыздылығын атап өтті. Кездесу қорытындысы бойынша қаланың білім беру саласын дамытудағы негізгі бағыттар бойынша бірлескен жұмыс жүргізу туралы келісім жасалды. Оған қызметкерлердің еңбек құқықтарын қорғауды күшейту, әлеуметтік әріптестікті нығайту және білім беру ортасының сапасын арттыру бағыттары кіреді.
Кәсіподақ қала педагогтарының мүддесін қорғау жолындағы жүйелі жұмысын және Білім басқармасымен конструктивті ынтымақтастықты жалғастыра береді.
Шымкент қалалық ұйымы
