ӨЗ ІСІНІҢ ШЕБЕРІ
📚 Кітап пен кітапхананың тіршілігіне жан бітіріп, ұлттық құндылықтар мен оқырман арасын жалғайтын маңызды мамандық иелері – кітапханашылар. Солардың бірі – Ақтөбе облысы Темір ауданы Еңбекші мектеп-балабақшасының кітапханашысы Сатыбалдина Айнұр Маратқызы. Ол өз ісіне адал, білім мен руханиятты қатар дәріптеп жүрген білікті маман.
🌟 Сатыбалдина Айнұр Маратқызы —1978 жылы 1 қаңтарда Ақтөбе облысы Темір ауданы Еңбекші ауылында дүниеге келген. Жоғары білімді маман еңбек жолын 2004 жылы туған ауылындағы Еңбекші мектеп-балабақшасында тәлімгер қызметінен бастаған. 2014 жылы Батыс Қазақстан инновациялық технологиялық университетін «Кітапхана ісі» мамандығы бойынша тәмамдап, осы салада 11 жылдан бері табысты еңбек етіп келеді.
🎉 Айнұр Сатыбалдинаның жетістіктерінің бірі – оқушыларды кітап оқуға баулу арқылы олардың білім деңгейін көтеріп, шығармашылық қабілеттерін дамытуы. Ол кітап көрмелері, әдеби кештер, түрлі сайыстар мен челлендждер өткізу арқылы оқырмандар санын арттырып, кітапхана жұмысын жаңа деңгейге көтерді.
🏆 Еңбегі елеусіз қалған жоқ. Ол «Үздік мектеп кітапханашысы» аудандық байқауында ІІІ орын иеленіп, Темір ауданы әкімінің, аудандық білім бөлімінің басшысының, аудандық кәсіподақ ұйымының және «Аманат» партиясының Алғыс хаттарымен марапатталды. Сонымен қатар, оның шәкірттері аудандық, облыстық, республикалық байқауларда жүлделі орындарға ие болып, «Абай оқулары», «Мақатаев оқулары» сынды байқауларда жоғары нәтижелер көрсетті.
🌍 2025 жылдың мамыр айында Астана қаласында өтетін «Мақатаев оқулары» дарынды оқушылар форумына оның шәкірті жолдама алып, үлкен жетістікке қол жеткізді. Бұл – ұстаз еңбегінің жемісі мен оқушы талпынысының айқын көрінісі.
💫 Сатыбалдина Айнұр Маратқызы – кітапхана ісіне жан-тәнімен берілген, өз мамандығының нағыз шебері.
--
Ақтөбе облыстық кәсіподағы
-
Фото
-
