МАҢҒЫСТАУДА ДҮНИЕЖҮЗІЛІК ЕҢБЕКТІ ҚОРҒАУ КҮНІНЕ ОРАЙ САЛТАНАТТЫ ШАРА ӨТТІ
2026 жылғы 24 сәуір күні Ақтау қаласының Достық үйінде Дүниежүзілік еңбекті қорғау күніне орай Маңғыстау облысының әкімі Н. Қилыбайдың қатысуымен салтанатты жиын өтті. Іс-шараның негізгі мақсаты - еңбек қауіпсіздігі саласындағы өзекті мәселелерді талқылау, атқарылған жұмыстарды қорытындылау және осы бағыттағы үздік қызметкерлерді марапаттау болды.
Облыс әкімі Н. Қилыбайдың құттықтау сөзінен кейін Маңғыстау облыстық мәслихатының төрағасы Ж. Ж. Матаев, Аумақтық кәсіподақтар бірлестігінің төрағасы С. Бекбергенов және мемлекеттік қызмет ардагері Р. Б. Қалиева сөз сөйледі. Жиын барысында өңірдегі еңбек инспекциясының жай-күйі мен кәсіпорындардағы өндіріс мәдениетін дамыту туралы Б. Кемалов пен сарапшы-практик Б. Мухаммедов мазмұнды баяндамалар жасады.
Шара соңы 28 сәуір - Дүниежүзілік еңбекті қорғау күніне орайластырылған марапаттау рәсіміне ұласты. Салтанатты жиында салалық кәсіподақтың оқу-ағарту, ғылым және жоғары білім қызметкерлерінің Маңғыстау облыстық ұйымы ұсынған бір топ мамандар мемлекеттік және ведомстволық наградалармен марапатталды. Атап айтқанда, облыс әкімі мен мәслихат төрағасының, Еңбек министрлігі мен кәсіподақтар орталығының алғыс хаттары мен құрмет грамоталары өз иелерін тапты.
Марапат иелері:
С. А. Умарбаев - Облыстық ұйымның құқықтық қызметтер жөніндегі маманы;
К. К. Енсегенова - Ақтау қалалық филиалының төрағасы;
Т. А. Баймбетова - Облыстық ұйымның төрағасы;
Е. С. Жұмабеков - Х. Өзбекғалиев атындағы колледж басшысының орынбасары;
Р. Н. Текеева - Мұнайлы аудандық филиалының төрағасы.
Әріптестерімізді жоғары марапаттарымен құттықтай отырып, оларға мықты денсаулық, қажымас қайрат және жауапты қызметтерінде толайым табыстар тілейміз!
Маңғыстау облыстық кәсіподақ ұйымы
