«БІРЛІГІ ЖАРАСҚАН ҰЖЫМ»
Маңғыстау облыстық оқу-ағарту, ғылым және жоғары білім қызметкерлері кәсіптік одағығының Мұнайлы аудандық филиалының №8 «Алтын сақа» бастауыш кәсіподақ ұйымы Дүниежүзілік еңбекті қорғау күніне орай, ұжымдық рухты нығайтуға және қауіпсіз еңбек мәдениетін қалыптастыруға бағытталған ерекше форматта іс-шара ұйымдастырды.
Атап айтқанда, қызметкерлер арасында таза ауада ойын-жаттығулары өткізілді. Іс-шараның негізгі мақсаты – еңбек қауіпсіздігі талаптарын еске салу ғана емес, сонымен қатар ұжым мүшелерінің бір-бірімен қарым-қатынасын жақсарту, сенімділік пен ынтымақтастықты арттыру болды.
Табиғат аясында өткен бұл ойын-жаттығулары қатысушыларға ерекше көңіл-күй сыйлап, күнделікті жұмыс ырғағынан бір сәт серпіліс алуға мүмкіндік берді.
Ойын жаттығулар, түрлі командалық ойындар, логикалық тапсырмалар және қауіпсіздік тақырыбындағы практикалық жаттығулар арқылы қызметкерлер өздерінің шапшаңдығын, ұйымшылдығын және жауапкершілігі мен эмоцияларын көрсете білді.
Іс-шара соңында барлық қатысушыларға алғыс білдіріліп, белсенділік танытқан топтар марапатталды.
Маңғыстау облысы, Мұнайлы ауданы,
№8 «Алтын сақа» бастауыш кәсіподақ ұйымы
