ЖАҒЫМДЫ ҚАРЫМ-ҚАТЫНАС - ҚАУІПСІЗДІК КІЛТІ
Маңғыстау облыстық оқу-ағарту, ғылым және жоғары білім қызметкерлері кәсіптік одағығының Мұнайлы аудандық филиалы Дүниежүзілік еңбекті қорғау күніне орай, 2026 жылдың 29 сәуір күні білім беру ұйымдарының бастауыш кәсіподақ төрағаларына «Жағымды қарым-қатынас- қауіпсіздік кілті» тақырыбында Маңғыстау облысы, Ақтау қаласы 4 шағын ауданы теңіз жағалауындағы Тік шатқал алаңында тимбилдинг ұйымдастырды.
Іс-шараның негізгі мақсаты – еңбек қауіпсіздігі талаптарын еске салу ғана емес, сонымен қатар ұжымдық сыйластық, бір – біріне сенім арту, бірлесіп жұмыс жасауға баулу, көңіл – күйлерін көтеру, тұлғаның өзін ортада көрсете білу, өзін бағалай алуға түрлі психологиялық жағдайлардан шығу және өз пікірін ашық айтуға ықпал жасау, сондай-ақ еңбекті қорғау мәдениетін қалыптастыру және қауіпсіздік талаптарын тәжірибе жүзінде бекіту болды.
Тимбилдинг барысында қатысушылар әртүрлі командалық ойындарға қатысып, ұйымшылдық пен бірліктің маңызын көрсетіп, әрбір қызметкердің пікірі талқыланып, ашық диалог алаңы қалыптасты. Бұл өз кезегінде ұжым ішіндегі сенімділікті арттырып, әріптестер арасындағы байланысты нығайтты.
Сонымен қатар, қатысушылар қауіпсіздік ережелеріне қатысты түрлі ситуациялық мәселелерді шешіп, ойын форматындағы тапсырмаларды қызығушылықпен орындады. Мұндай форматтағы шаралар еңбек қауіпсіздігін тек міндет ретінде емес, ортақ құндылық ретінде қабылдауға жол ашуға мүмкіндік берді.
Маңғыстау облысы, Мұнайлы аудандық филиалы
