БІЛІМ ҚЫЗМЕТКЕРЛЕРІ АРАСЫНДАҒЫ ОБЛЫСТЫҚ СПАРТАКИАДА
Атырау облыстық Білім басқармасының Әдістемелік орталығы мен Салалық кәсіподақтың Атырау облыстық ұйымының ұйымдастыруымен өткізілген білім ұйымдары басшылары мен облыстық, қалалық, аудандық білім бөлімдеріне қарасты әдістемелік орталықтардың (кабинеттердің) әдіскерлері арасында облыстық спартакиада өз мәресіне жетті.
Спорттық сайысқа түскен командалардың нәтижелері анықталып, жеңімпаздар мен жүлдегерлерге түрлі дәрежедегі марапаттар табысталды.
Спорт түрлері бойынша үздік нәтиже көрсеткен Индер ауданының командасы І орынды қанжығасына байлады. Ал ІІ орынды облыстық Білім басқармасының Әдістемелік орталығы жеңіп алса, ІІІ жүлде құрманғазылықтарға бұйырды.
Командалар облыстық Білім басқармасының арнайы дипломы мен кубогіне және облыстық кәсіподақ ұйымының қаржылай сертификаттарына ие болды.
Атырау облыстық ұйымы
