ПЕДАГОГТАРҒА АРНАЛҒАН ПСИХОЛОГИЯЛЫҚ СЕМИНАР
Ұлытау облысы, Қаражал қаласы, Жәйрем кентіндегі КМҚК «Балдырған» бөбекжайында «Психологиялық қауіпсіздік мәдениетін қалыптастыру» тақырыбында педагогтарға арналған мазмұнды іс-шара өткізілді.
Шараның негізгі мақсаты – білім беру үдерісінде балалардың және педагогтердің психологиялық тұрғыдан қауіпсіз, қолайлы ортада жұмыс істеуіне жағдай жасау, ұжым ішінде өзара сыйластық пен сенімге негізделген мәдениетті қалыптастыру жолдарын түсіндіру болды.
Шара барысында педагогтар психологиялық қауіпсіз ортаның негізгі қағидаларымен танысып, балабақша жағдайында эмоционалдық жайлылықты қамтамасыз ету, қарым-қатынастағы этикалық нормаларды сақтау, стресс пен шиеленісті жағдайлардың алдын алу тәсілдері бойынша тәжірибелік ақпараттар алды. Сонымен қатар, ұжымдағы жағымды ахуалды қалыптастырудың тиімді әдістері талқыланып, практикалық жаттығулар ұйымдастырылды.
Шараға барлығы 16 педагог қатысты. Қатысушылар тақырып бойынша өз ойларымен бөлісіп, тәжірибе алмасып, кәсіби дамуға бағытталған пайдалы мәліметтер алды.
Шара педагогтардың психологиялық сауаттылығын арттыруға және ұжымдық бірлікті нығайтуға өз септігін тигізді.
Ұлытау облыстық ұйымы
-
Фото
-
