СПАРТАКИАДА - 2026 ӨЗ МӘРЕСІНЕ ЖЕТТІ!
Шығыс Қазақстан облысы оқу-ағарту, жоғары білім, ғылым және басқа бюджеттік ұйымдар қызметкерлерінің жергілікті кәсіподағы Қазақстан Республикасы Тәуелсіздігінің 35 жылдығына арналған XIII облыстық спартакиадасы өз мәресіне жетті.
Финалдық кезеңде 6 команда - Өскемен, Тарбағатай, Күршім, Зайсан, Ұлан және Алтай кәсіподақ ұйымдары волейболдан бақ сынасты.
Волейбол додасының нәтижелері:
І орын: Өскемен қаласы;
ІІ орын: Тарбағатай ауданы;
ІІІ орын: Зайсан ауданы.
Жеңімпаздар мен жүлдегерлер арнайы Дипломдармен, медальдармен және ақшалай сертификаттармен марапатталды.
Ерекше шеберлігімен көзге түскен спортшыларымыз арнайы кубоктар мен ақшалай сертификаттарға ие болды:
«Үздік байланыстырушы» - Беқарыс Қайратұлы (Зайсан ауданы);
«Үздік шабуылшы» - Біржан Оспанов (Өскемен қаласы).
Спартакиаданың қорытындысы бойынша ең көп ұпай жинап, топ жарғандар:
І орын: Ұлан ауданының командасы;
ІІ орын: Өскемен қаласының командасы;
ІІІ орын: Зайсан ауданының командасы.
Жеңімпаз командаларға дипломдар мен арнайы кубоктардан бөлек, 45 адамға Алакөл демалыс базасына жолдама (сертификаттар) табысталды!
Спорттық шараның өтуіне қолдау көрсеткен серіктестерімізге алғысымыз шексіз: Ф.Құрмановқа, «Абай атындағы ШҚ жоғары педагогикалық колледжі» директоры); Ж.Даутоваға, колледждің бастауыш кәсіподақ ұйымының төрағасы); И.Грачеваға, Өскемен қаласы №37 көпсалалы орта мектебінің директоры.
Барлықтарыңызға белсенділік танытып, намысқа тырысқандарыңыз үшін ризашылығымызды білдіреміз. Ұстаздық ете жүріп спортпен шұғылданған әр адамға бере бермейтін ерекше қасиет пен үлкен жауапкершілік. Сіздер тек шәкірт тәрбиелеп қана қоймай, салауатты өмір салтын насихаттауда да алдыңғы қатарда екендіктеріңізді дәлелдедіңіздер.
Шаршағанға бой алдырмай, жұмыстан кейін алаңға шығып, команданың намысын қорғау нағыз қайсарлықтың белгісі. Бұл дода тек мықтыны анықтап қана қоймай, әріптестер арасындағы сыйластық пен ауызбіршілікті нығайта түсті.
Сіздердің бүгінгі жетістіктеріңіз - өсіп келе жатқан жас ұрпаққа, шәкірттеріңізге берілген ең үздік тәрбие. «Спорт - денсаулық кепілі болса, ал ұстаздық - елдің болашағы». Сіздер осы қос ұғымды қатар алып жүрген нағыз заманауи тұлғасыздар!
Жеңімпаздарды шын жүректен құттықтаймыз! Ал жүлделі орынға ие болмаған қатысушыларға айтарымыз: сіздердің жарысқа қатысуларыңыздың өзі үлкен жеңіс. Әрқашан биіктен көрініп, еңбекте де, спортта да табысты болыңыздар!
Шығыс Қазақстан облыстық ұйымы
