БІРЛІГІ ЖАРАСҚАН АБАЙ МЕКТЕБІ!
1 мамыр – Бірлік күні, көктемнің ең шуақты мерекесі. Осы мереке қарсаңында Шығыс Қазақстан облысы, Зайсан ауданы, Қарабұлақ ауылындағы Абай орта мектебінің кәсіподақ комитеті ұжым мұғалімдері мен қызметкерлеріне арнап, заманауи форматтағы "QUIZ" ойынын ұйымдастырды.
Бұл интеллектуалды сайысқа мұғалімдер мен қамту қызметкерлерінен құралған 6 команда қатысып, білімдері мен жылдамдықтарын сынады. Әр кезең ерекше тапсырмалармен толықтырылып, қатысушылар тапқырлық пен ұйымшылдықтың үлгісін көрсетті.
Ойын барысында командалар тәжірибе алмасып, көтеріңкі көңіл-күйде керемет атмосфера қалыптастырды.
Жеңімпаздар марапатталып, барлық қатысушыларға алғыс білдірілді. Мұндай шаралар ұжым бірлігі мен ынтымақтастығын нығайтып, ортақ мақсатқа жетуге ынталандырады!
Бірлігіміз бекем, еңбегіміз жемісті болсын!
Зайсан ауданы, Қарабұлақ ауылы, «Абай орта мектебі» КММ
Шығыс Қазақстан облыстық ұйымы
