АЛМАТЫДАҒЫ ТЕХНИКАЛЫҚ ҚЫЗМЕТКЕРЛЕР КҮНІ
Алматыдағы «Ұстаз» кәсіподағында қызықты және ерекше іс-шара өтті. Бұл іс-шараның басты мақсаты жұмыс берушілердің, қызметкерлердің және қоғамның назарын өндірістік жарақаттар мен қолайсыз еңбек жағдайлары мәселелеріне аудару және жұмысшылардың денсаулығы мен қауіпсіздігін қамтамасыз ететін жұмыс орнында талапқа сай жағдайлар жасау болды.
№22 гимназияның кәсіподақ комитеті төрайымы Жанета Джавмашева мен №105 гимназияның кәсіподақ комитетінің төрайымы Гүлзада Бапова «Техникалық қызметкерлер күнін» өткізді. Онда қатысушылар білім беру мен тәрбиеге қатысы жоқ, бірақ білім беру мекемесі үшін маңызды болып табылатын өздерінің барлық мәселелерін талқылады.
№105 гимназияның кәсіподақ комитетінің төрайымы Г.Бапова қорытынды сөзінде: «Біз көбінесе пәндік олимпиадалардағы жеңістер мен оқу бағдарламалары туралы айтамыз, бірақ мектептегі әрбір сәтті күннің артында сіздердің орасан зор, кейде байқалмайтын, бірақ шынымен де баға жетпес еңбектерінің жатыр. Таза сынып бөлмелері, реттелген дәліздер және біздің ортақ қауіпсіздігіміз - бәрі сіздердің арқаларыңыз. Шебер қолдарыңыз бен адалдықтарыңыз үшін рахмет!»- деп алғысын білдірді.
З.Сұлтанова,
Алматы қ. №105 гимназияның техникалық инспекторы
-
Фото
-
