ҚОҒАМДЫҚ БАҚЫЛАУ ЖҮРГІЗІЛДІ
15 мамыр күні Оқу-ағарту, бюджеттік ұйымдар, ғылым және жоғары білім қызметкерлері «Жетісу» жергілікті кәсіподағының Талдықорған қалалық филиалының төрағасы Айым Ерікқызы Өтенай ауылындағы №12 «Бәйтерек» балабақшасына барып, жұмыс берушімен әлеуметтік әріптестік аясында қоғамдық бақылау жұмыстарын жүргізді.
Кездесу барысында балабақша қызметкерлерімен еңбек қатынастары, әлеуметтік-құқықтық мәселелер, еңбек қауіпсіздігі, ұжымдық шарттың орындалуы жөнінде жан-жақты пікір алмасылды. Сонымен қатар кәсіподақ ұйымының негізгі бағыттары түсіндіріліп, қызметкерлер тарапынан қойылған сұрақтарға нақты жауаптар берілді.
Мекеме меңгерушісі - Әсем Өзгелдиева мектепке дейінгі білім беру саласындағы өзекті мәселелерге тоқталып, еңбек заңнамасының сақталуы, ұжымдық шарт талаптарының орындалуы және қызметкерлерге көрсетілетін әлеуметтік қолдау шараларының маңыздылығын атап өтті.
Бақылау барысында филиал төрағасы Айым Ерікқызы қызметкерлермен жасалған еңбек шарттарын, жеке құрам бойынша бұйрықтарды, ұжымдық шартардың орындалуын және еңбекақы төлеуге қатысты құжаттарды зерделеді. Анықталған мәселелер бойынша ұсыныстар беріліп, түсіндіру жұмыстары жүргізілді. Сонымен қатар, кәсіподақ ұйымының қызметі, оның негізгі бағыттары және еңбек заңнамасының сақталуы жөнінде ақпарат берілді. Кәсіподақ төрағасы балабақша қызметкерлерін жеке қабылдап, жалақы, еңбек жағдайы, демалыс уақыты және әлеуметтік кепілдіктерге қатысты сауалдарға жауап берді.
Кәсіподақ мүшелерімен ашық диалог құрып, педагогтар мен қызметкерлердің ұсыныс-пікірлерін тыңдап, алдағы уақыттада әлеуметтік әріптестікті нығайту бағытындағы жұмыстар жалғасатынын жеткізді.
Мұндай кездесулер еңбек ұжымындағы өзара түсіністік пен сенімді нығайтып, әлеуметтік әріптестікті дамытуға үлкен мүмкіндік береді. Кәсіподақ ұйымы алдағы уақытты да қызметкерлердің құқықтары мен мүддерелін қорғау бағытындағы жұмыстарды жүйелі түрде жалғастыра бермек.
«Оқу-ағарту, бюджеттік ұйымдар, ғылым және жоғары білім қызметкерлерінің «Жетісу» жергілікті кәсіподағы» қоғамдық бірлестігінің Талдықорған қалалық филиалы
